有D事

唔係用文字就可以講的清。
依家聽緊ENERGY o既舊歌。
我o地初中三o個陣時o既歌。
呢D歌都好耐o左。
我都已經唔係當年只有十五歲o既細路女。
好多諗法都唔同o左。
做乜事都要顧及後果。

xxxx

M
呢個包袱都已經揹o左成五年。
雖然冇結果，但係一D都唔後悔。
如果我唔係咁硬頸，如果我唔係咁好勝，
如果我唔係咁放唔低我o既自尊...
今日o既結局或者會唔一樣。
一切都已經過去啦。
我依家睇得好開o既。
以前我o地一起胡鬧過、瘋狂過、開心過、亦都傷心過。
年少輕狂無悔的青澀回憶。
依家諗返起,都會笑。
依家一切o既誤會都解開o左。
雖然呢D已經係四年之後o既事。
但係一D都唔遲。
我o地都知道，有D o野過去o左就係過去o左。
永遠都冇辦法返返以前。
我o地曾經都放唔低自尊。
永遠都唔會認錯。
流低o既眼淚，我永遠都俾唔返。
做乜我都冇辦法補償D乜。
依家我唔會再踏前一步。
因為我唔想再經歷一次失去o既感覺。
我會撐唔落去。
我好辛苦先至學會令自己過得快樂。
依家睇到妳過得開心，我已經好開心。
我永遠都係最支持妳o既好朋友。
如果有邊個整妳喊，妳話俾我知。
好朋友，我一定幫妳出頭。

xxxx

17-9
第一個爭D令我從過去走出o黎o既人。
雖然最後我都係走返入去。
都無所謂啦，唯一值得紀念o既就係我曾經走出過去。
我依家睇得好淡。
唔會好似以前咁執著。
唔會好似以前咁鑽牛角尖。
攞得起我就放得低。
睇唔見未來o既o野我唔會o徒時間。
亦都唔想去o徒時間。
我選擇行一條大家都開心o既路。

xxxx

冇o左以前o既衝動。
冇o左以前o既瘋狂。
o個個係我最快樂亦最懷念o既時光。
因為o個陣時o既我永遠都唔會知道乜叫煩惱。

xxxx

過去就由得佢，我會收埋佢。
我永遠都唔會做一個不孝女。
所以你o地唔會知，因為我唔會俾你o地知。

xxxx

我已經大個女。