寫俾自己睇

好耐都冇用廣東話o黎寫o野,有D懷念.閑時,都係用手寫o既,電腦打太麻煩,有D字又揾唔到.
用廣東話o黎寫日記,差唔多都三年.當初決定用廣東話,係因為唔想被人睇到我D日記,就算俾佢o地睇到,都未必睇得明,o個陣時,係咁單純o既認為.不過,依家唸一唸,識睇廣東字o既人又唔只我一個,大把人都識.雖然係咁,用耐開,都有感情o既,依家已經成為一個習慣.
唸起當年,真係要多謝林文卿老師,如果唔係佢,我唸我依家都唔識用廣東字.當初係佢,俾我o係周記入邊用廣東字,仲用廣東字回復我o既日記,大家就咁切磋下,討論下,我先至識咁多o野.
今日...無意間發現你o既blog,但係,我入唔去,應該係俾你set為privacy...
不過,入唔去都應該o既,未經過你o既同意,貿貿然咁入去睇你o既o野,好似唔多禮貌.
唸唸下,件事都過o左差唔多三年,都仍然放唔低.
雖然呢個結果,唔係我想要睇到o既.不過,有陣時,唸起以前D開心o既o野,個人都會開心返,唔會咁sad.
雖然到最後,我無法做到好聚好散o既收場,確實係有D遺憾,但係,只要唸起,至少你留低俾我o既回憶,係快樂o既,開心o既,一切已經足夠,已經冇乜可以再奢求.
如果問我,o個心仲牽掛住o既係唔係你,我可以話俾你知,好肯定咁,係.
不過,o個感覺已經唔似以前咁激烈,或者可以話o個感覺不再.雖然有陣時,會不知不覺咁唸起你,但係o個次數已經越o黎越少,甚至乎少到唔記得去唸你...
咁樣,係好事嗎?話者對我o黎講係件好事o卦,至少我唔再為你而感到悲傷.我o既生活,又可以恢復到以前o既快樂.
我...想默然,却突然清楚看见,漆黑透出你视线,昨日情书都化烟,我在怀念...
眼泪如此刻结冰,会是凭证.
爱已不复元,光阴也不会逆转,闭幕时哭声揭穿,我渐遥远,遗憾令雨水都变酸...
愿有一天天使为你高歌,悲惨世界会掠过闪闪星座
如果一日,覺得劬,就返o黎,呢o度永遠都為你留住一個位.
你,依然o係心入邊.