夜曲

隔o左咁耐先至寫,唔知o個感覺係唔係一樣冇變,同之前一樣.
之前一聽到呢首歌,就好有感覺,深深咁被感動.
聽緊呢首歌,淡淡o既悲傷不斷咁侵占我o既知覺,直到麻木.
想喊,突然間發現,原來我已經冇晒眼淚.
係唔係應該覺得高興,仍然可以每日睇見你.
係唔係應該覺得慶幸,仍然可以每日睇見你燦爛o既笑容.
我唸,上天已經對我不薄.
o係o度唸如果有一日,我真係離開o左,你會晤會為我傷心,你會晤會為我流下一滴眼淚.
應該唔會o卦.以家o既你恨唔得我即刻消失o係呢個世上.
為你彈奏蕭邦的夜曲,紀念我死去的愛情...
無奈,我唔識彈琴,更唔識蕭邦o既夜曲,無法紀念我死去o既愛情.
跟夜風一樣的聲音,心碎的很好聽...
我聽得見,心碎o既聲音,就好似尋日發生o既事一樣,一樣咁真實.
我給的思念很小心...
將思念收好,我將佢埋o係我心理面,最深處o既地方.
對你心跳的感應還是如此溫熱親近...
太多o既回憶,不斷咁閃過腦海.我,冇法忘記.
一切已經過去,再懷念亦都係徒然.
但...叫我點忘記...忘記你o既好?
我o既思念,你唔會知道.
我o既悲傷,你唔會知道.
知道又點,事實亦都唔會因此改變,只會令你被過去絆住,你唔想再記起o既過去.
失去你,愛開始分明.
失去你,還有甚麼是好關心.
失去你,淚水混濁不清.
失去你,我連笑容都有陰影...